الاخوه اعضاء منتدى شباب حائل وزواره السلام عليكم حبيت اشارككم بهذه القصيده علها تنال اعجابكم وتحوز رضاكم مع شكري وتقديري
دودهت
لابلي وجتني تطلب ارضائي
انا على الله نويت امشي على ضيه
ابترك الارض واهل الارض واشيائي
واقفي مع الريح تمحا اثر رجليه
واعيش ميت علم من بين الاحيائي
مثل الجبل هامته للمجد ماريه
من عقب تفجير قلبي اجمع اشلائي
واموت مثل النخل لا مات راعيه
واطيب للطيب وانسى كل من سائي
والزله اللي تجي من عفن عاديه
ماني بسلطان ولاني حاتم الطائي
لكن نفسي بحب الطيب مبليه
مديت من لقمتي ومن لقمة ابنائي
ونعض كفي لان القمه شويه
ماشئت في شي ان الله قد شائي
والعبد تزين له ان زين النيه
سبحان من حدد العيشه على المائي
القادر الواحد المعبود من زيه
يادار وين الخوي لاثقلت اعبائي
اللي يراعي خويه كنه اوخيه
بالذاكره ممتلي عقلي بالاسمائي
اعدهم00 وانتهي واصفق ايديه
واليوم اهيم الصحاري شايل اخطائي
واعاتب النفس في مقفي لياليه
اعلاجي اصعب من همومي ومن دائي
والموت اقرب على نفسي مواريه
ترا الحقيقه 00انا وكالة انبائي
وكل مصدرن ماهو مني رد راعيه
يااعز من راح بالدنيا ومن جائي
ياطاقة النور بالخافق وغاليه
لولاك مافكرو في عرض الازيائي
ولافكرو بالذهب والماس وحليه
ولاجاك شعري غلا مختوم باهدائي
على الورق من سحاب العين صافيه
حلاك اجمل من التعبير واطرائي
ودنياي لوسودت بلقاك ورديه
لانك حبيبي ولانك مصدر ايحائي
تركت جــــــوك وانا مغليه يابنيه
شفني مع ابلي يحبن صوتي وحدائي
والجو ممطر وناري بالفلا حيه
صقر فواز
******`xi`xig`I iW`R`~iWi.****** `xi`xig`I iW`R`~iWi.
08-16-2009, 09:02 AM
العرض العادي
