من تغيب
الشمس وتنام الطيور
يستحـــــــل الليل دنيانا بسلام
ياكثر بالحزن من صـــدره يثور
وياكثر من يسعده ستــر الظلام
بشر الخفاش لاشفته بنــــور
عن مواري الصبح ياعذب الكلام
صوت ديك ونجمة الصبح الغيور
والنسيـــم وعـــــابدن لله قـــام
يافقيرن عاش بحلام القصور
لاتحقق حـــــلم ولاراحت منــام
الشجر مايطلـــع الا بالجـــذور
والغنا بالنفس والدنيا حـــــطام
والدهـــر دورات والدنيا تدور
والامن والقوت هو ساس النظام
و(التكاثر) ماينســينا القبــــور
وش تظم بحضنها غيــــر العظام
و(الضحى) اّيات تعطيلك شعور
بالأمــــاني مــــع حياتك ولــوئام
لاتصير ضعيف تاكلك النســور
افعــــل اللي ينفك الا الحــــرام
لاتفـــرعن غير بالحق الجهور
واطلب الله دوم في حسن الختام
حط في بالك ترا الله الغفــــور
وانه الواحــــــــــد شديد الانتقام
وان هالدنيا محـــــــطه للعبور
والنهايه مكسبك كــــم متر خام
الندم ماينفعك عقب النشور
ويل للي منخـــــذل عقب الزحام
:33978_01195975150:
صقر فواز