لقلوبكم الغاليه
عذراً عن الغياب
.
.
.
.
.
اللــيــل طـــال وهــمْ قـلبـي بـعــد طـــال
يـاصـيـف وينــك تـقصـر الـهــمْ ياصــيف
ياللــيل لبـسـت(ن) على عتـمتــك شــال
يـكــفــي نــهــاري زودن بـالـــتـكـالــيـف
الحـال شــوفة عـينـك الحـال شـ الحـال
شقــاء نـهـاري وانـت هــمْك تقـل سيــف
صرنا نعـيش بمعــركـة كسـب الامـــال
حتى الامــل اصـبـح على قــول ياحــيـف
صـرنا نـغـــنـي لـلأمــل عــزف مـــوال
نسلي بـها وعـزف الـمواويـل تزيــيــف
عشــنـا كـــذا نـبـحـث للأمــال مـنــزال
اللــي لـقـى واللـي بـقـى للـتحــاســيــف
واللـي مثل حـالي على الـهــمْ يــحــتـال
يـضـحــك عـلى نـفسـه لقـى لـه تصاريـف
عـشت بامـل رحت أبحـثه من وراء جــال
وطــحـت بــ إلـم ظـنيـت نـفسـي انـا ضـيف
قــــدم قــدوعــه غـــمْ وأدلالــه أهـــــوال
صــب الــحــزن أســود بــفـنجـال تخــويف
مـِكـــرم ومـن زود الــكـرم حـط تـمـثــال
لــ عـيون حـزني والشـقـاء والـتكــاسيـف
يـاكــثـرهم قــــدام بــيـتــه مـن أرجـــال
والـعــالـم الله اصـبـحـواْ لـه مــوالـــيــف
لـكـن! انـا بــرحـل غـصب لأجــل الامـــال
يــكفــي خـلصنـا من نطـق بــس يــاحــيـف
09-07-2009, 07:24 AM
العرض العادي
