يـوم أنهـم تفاخـروا بالقبـايـل وكالوا عبارات الفخـر بالمكاييـل
كلن مدح ربعـه بالأشعـار قايـل يعطي عن أمجاد القبيلـه تفاصيـل
أبا أفتخر وأبـا أدّعـي بالدلايـل قولن عليه شهـود مافيـه تظليـل
قبيلتـي والمجـد وجبـال حايـل على مدى التاريخ جيلن بعد جيـل
تنسب لهـم مستعصيـات الفعايـل أحفاد حاتم شمـر الخيـل والهيـل
شمر طنايا طـي روس الحمايـلذباحـة الفرسـان ذباحـة الحيـل
أهل الجمايل يـوم قـل الجمايـل وأهل العطايا يوم قـل المحاصيـل
أهل الوفا لاخـان شيـن العمايـل سلمن لهم موروث ماعنـه تبديـل
ان عاهدوا بالسلـم مالعهـد زايـل وان حاربوا يردون ورد المغاليـل
ان صاحن الخفرات شقر الجدايـل تذهل رجـال عقولهـا بالهلاهيـل
مثل المجنـن فـوق قبـاً سلايـل صاروا على روس العدا طير أبابيل
يشهد لماضيهم صهيـل الاصايـل ويشهد لحاضرهم خيار الرجاجيـل
تميـزوا فـي طيبـات الخصايـل حتى تساموا فـوق مثـل القناديـل
بنولهـم مجـدا ً بالافعـال طايـل بسيوفهـم وصحونهـم والمعاميـل
بسيوف شمر يعتـدل كـل مايـل ببيوت شمـر للطراقـي مداهيـل
وبصحون شمـر للكرامـه نفايـل وخوي شمر ما شكى الضيم والويل
تاريخهـم بمجلـد المجـد هايـل ثابت ومتحرك على صهوة الخيـل
ارتدت الاعراب شـرك ودغايـل بعض القبايل يوم جاهـم مراسيـل
الا قبيلـة طـي هرجـاً صمايـل مع الخليفه جيـش دعـوه وتهليـل
جيشً على الكفار صايـل وجايـل سارت سراياهم من السنـد للنيـل
ان قالوا توارن من السيـل سايـل ذكرت حاتم والضيـوف المقابيـل
حاتم بلغ بالجـود كـل الفضايـل سيد الكرام أشهر من الجدي وسهيل
للموقـده فـي دار حاتـم شعايـل تجمع شتات ضيوف لا روح الليل
حايل سقاها غيث وبـل المخايـل تبر الذهب بترابهـا لـه تشاكيـل
هاك الجبـال الشامخـه والخمايـل وهاك النفود الساحـره والغراميـل
بالكـون كلـه مالحايـل مثـايـل تحفه فريده تاخـذ العقـل وتهيـل
وسلامتكم تم بنقل
`R`li[`R`x `l`R`IiS <<< `ig`x`R` `iWi `RiW`d`ei `RiWiJiiPio``m ( `R`~i `d`~`x`RiWiWig ) <<< `iWi `ig`x`R` `R`~i `R`li[`R`x `RiW`d`ei `RiWiJiiPio``m `l`R`IiS `d`~`x`RiWiWig
09-12-2009, 05:44 AM
العرض العادي
