***على الله***

على الله يالعنود اللي تربت بدار الجود=تزوغ العيون اللي بلاها الله تطالعها
عنود البنات اللي زهت بالعيون السود=عليها الحلا زايد وابوها خص دلعها
ليا طبت المحفل عليها البنات حشود=تحرّك قلوب الناس من حوله باصابعها
تشتت عيون الخلق قبله بنقص وزود=وعليها العيون التايهه بالحسن تجمعها
انا ياليت دربي ماوقف دونها مسدود=ابي وصلها وحظي جبرني غير اودعها
وهي بنت من كابر لكابر وورث جدود=تعلا شانها عندي وهو من دون رافعها
الاواعذاب اللي عشقها ولاله فود=سوا النيران في صدره على كيفه يولعها
انا ادري بالزمن لودارفي مثلها مايجود=ولابه شبيه(ن)له مشى بالارض باجمعها
فهي منبت السكرعليها الحلا مشهود=وهي قبلة الديره وهي قبلة شوارعها
يجي عطرها الزاكي تجيبه لي نسيم النود=وتقوم الزهور وتنحني بامره وتسمعها
وتضج الشوارع كان هي يمّها ماتعود=واذا مرت هدا الشارع وهدابه كل شي معها
تشوف البشر متحنطه بس هي بدون قيود=واذا راحت تعود الناس من غفوه لواقعها
صقرفواز

المصدر: منتديات شباب حائل - من قسم: الشعر العام