أبـد لاتسأليـن بغربتـي عـن آخـرالأخبـار
عمت عين السفر دامي أذوق المر مـن كاسـه!
أنا اللي بسألك قولي.. جواب بكلمتيـن صغـار
بلد من دونك (اش) يسوى بعيني؟ يابعد ناسـه
بدونك.. ما أطيق البعد لو هو بيننـا أمتـار!!
ولكن هالفـراق أقـوى ولاينفـع بـه سياسـه
ترى لولا اتصالاتك.. برغم اللي يدق.. كثـااااار
حشى مافيه أحد غيرك يـرد لصـدري أنفاسـه
ألا ياشـوق خفـاق ٍ ضويتـي ظلمتـه أنـوار
وصار اليوم ينبض لك مشاعر حييييل حساسـه
تبي تدرين بفراقك معي يا الغاليه وش صـار؟؟
تبي تعرفين مجنونك وش اللي قالب ٍراسـه؟؟
لك الله عايش بحالي/ لحالي.. شاعـر ٍمنهـار
وأنا كل ما طريتي لي صرخ شعري بقرطاسـه!
يمر يومي.. ولابه غيـر همـي والحـزن زوار
عسى الله يرحمه حال ٍ غـدا هالثنيـن جلاسـه
شحن جوالي أنهيته!! أقفّل .. وافتحه أمـرار!!
قسم لولا رسايلنـا .. حبيبـك قاتلـه ياسـه!
فقدتك والدمع لامـن ذكرتـك يفضـح الأسـرار
ولا أشره علـى وقـت ٍ بـه الأيـام دساسـه
أسلي نفسي بكثر الأمانـي.. واليديـن قصـار
وأنام وربي العالم وش اللي خاطري حاسـه!!!
كأني من ملك أسهم يبي تضحـك لـه الأقـدار
وقدّم كل ماعنـده.. وفجـأه أعلـن إفلاسـه!!
كأني طالـب بغربـه.. تذكّـر عيلتـه والـدار
وهو كل ماذكـر أمـه! مـلا هالدمـع كراسـه
أعاني كثر ماتملـك ومالـك بالحشـى تذكـار
و(أحبك) والبلا حبـك أبـد مـا أملـك قياسـه
جعل في داخلي عرق ٍ سمع بك يا الغلا ماثـار!
يموت.. و وش لي بعرق فوصالك ميت إحساسه
حياتي تسأليني عن جديدي بالشعـروأحتـار؟
وش أكتب لك شعر وانتي غديتي اليوم نبراسه!
ولكن أوعدك شعـر ٍ لاقولـه يتعـب الشعـار
متى ماشفتـك وموعـد لقانـا دقـت أجراسـه
لأن مافيني أتحمّل بعـادك فـي سفـروانهـار
عسى لايعيدها سفره.. ولو هي كانت دراسه!!!
مما لاامس وجدااااااااااااني
منقووووووول بطريق منووووووووول >>ههههههههههه
بانتظاركوم
>>(( `RiW`a``~i ii i
01-17-2010, 09:14 PM
العرض العادي
