على رصيف الحلم

ياصاحبي يابو عزب كيف حالك=بشر عشيرك ياعسى الحال زينه
البارحة والليل مظلم وحالك=سجيت عن ضوضاء نورالمدينه
ولاطرالي غيرك أنته لـ حالك=أشكي له هموم(ن) بقلبي سجينه
ياكثرهم أصحاب مالي ومالك=ومابينهم مسكين يالله تعينه
ماعندهم ماغير مالي ومالك=اهل المصالح والطبوع المهينه
جيتك وأنا ادريبك للاحساس مالك=وتدري بقلبي وش بلاه وأنينه
القلب خيم بي على ضلع جالك=وخذا همومي ثم نصالك بحينه
ماأبي أكدر خاطرك بس جالك=قلبي وهاقيبك تخفف ونينه
يدري بسلمى لو تجي مع أجا لك=قبٌل أجا سلمى بحبة جبينه
ياصاحبي عشت الاماني مهالك=والامنيه غصب وقعت في يدينه
صارت أمانينا على يدين هالك=ضميرهم هالك بحسد وضغينه
يبٌشر العريس أن المها لك=وليلة زفافه يذبحه من وتينه
ياصاحبي لاتضيق من مابدالك=أدري تشاركني الهموم الحزينه
ولاأشارك أحد في همومي بدالك=مثلي وأنا عارف تعيش الغبينه
أول حروفي في همومي بدالك=وعسى يزينها الذي ذاكرينـه

المصدر: منتديات شباب حائل - من قسم: الشعر العام