اسمعيني قبل أمووووت !!

اسمعيني قبل ضيقي و تحديد المصير=قبل اموت من القهر بعد طول الانتظار
قبل أعيش الضيم والحزن والوضع العسير= قبل أشوف الموت واعشق فصول الانتحار
قبل احس بزفرتي لا شهيق ولازفير= قبل تكفين البشر لي وقبل الانكسار
قبل يسكن جسمي الهامد القبر الصغير= قبل يبكي جثتي طفل ماجاله نهار
قبل اودع عالم الظلم توديع أخير=قبل يبكي كل واحد من اسباب القرار
إيه جيتك مغرم وعاشق وقلبي كسير=على يميني حزن و الجرح الأكبر باليسار
تركت كل الكون من شان عينك يالعبير=وعزفت لك حبي أغاني محبه وانتصار
أول حكاية حب و الحب في قلبي كبير=يا قاسيه ضحيت لجلك وأنا عايش بنار
وانتي تركتيني ودمعي من احزاني غزير=ماكنت احسب انك كذا لين ماشفتك جهار
وأنا وعدتك يوم كنا مع الفرحه نسير=و على الوعد واموت ماخنته وعهدي وقار
ما ارضى بغيرك لو حياتي من أسبابك سعير=أموت وافي و الوفاء عادة الناس الحرار
وانتي حلفتي ماتخونين عهدك والضمير=ونذرتي إنك تمسكين العهد مسك الجمار
واليوم دولاب الزمن يافلانه مستدير=مات الأمل و ازداد ضيقي وشفت الانهيار
خلاص ما عدت اتأمل بهالدنيا مصير=الله يسهل دربك و لي دروب الإنكسار

المصدر: منتديات شباب حائل - من قسم: الشعر العام