سالم سيار ( مشارك بالمسابقه )

شدتني كثير قصيده للشآعرنا
وهي ( الغيبوبه) .....

أتمنى أن تستمتعوآ بكلمآته على أمل عدم زرع الحزن دآخل قلوبكم


لكم أبيآت القصيده "




بنآدق مهجتي معبى فشقهآ والغلآ نيشآن
أبطلق روحي في قلب القصيد وأنبض أبيآته

وحيد ولآ معي ألآ أخوي بدآخلي غفيآن
ترفرف ضحكة وأطلق نعآسي لصبح ضحكآته

في بآلي يرقد وأدري حزين وشآرد وبردآن
وأنآ أنثر برده من فوق الخيآل جمر سجآته

يدور القلب تتفتت ظلوعه يطحنه حرمآن
يجوع القلب يحضني في جوعي وأكل فتآته

ينآم وأعقد بعين الأغآني جمرة التحنآن
ينآم وعتقد بعين البدآيه كل نهآيتآته

وأطل من الألم أحضن حيآة الشآرع الولهآن
يلملم حسرتي ويكسروجودي بشوق أضآءته

تعبت أمليني طعون(ن) تصب من خنجر الخلآن
تعبت أستنزف عيوني دموع طعنآته

يا خيي اقعد الدنيا رمت من تحتي النيران
وهذا العمر ما يحمل بجوفي الا انكساراته

ياخي ليه تغيب وليه تتركني وانا شفقان
لقرم (ن) يقلب اجبال الهموم بعزة اثباته

اعرفه لاوصل كنه صقر من صفوة الويلاااااااان
يكش جلد السما ان شافت مخلابيه وهداته

رجال (ن) تربط حزام القبيله وتنفلت شجعااان
واخويه يربط رجال القبيله حزام هقواته

كريم (ن) ما هو يبيني فعايل صيته الديوان
في صدره دلته وهيله وفناجيله وتمراته

اذا كان الكرم حمس ( الهلا ) في مهجة الضيان
اخويه من حمس قلبه لضيفه وصب فزعاته

وكم ( تكفى )انرمت بين البشر ممزوعه الوجدان
اخويه قبل لا ترمي عليه يقط نخواته

حزين السيف بكفوف الاوادم (ن) ذبلان
بعد ما نام دم اللي سقى فعله وومضاته

ياخي اقعد وقعد خضوعي بداخل الشرياان
تنام ولا بقى هم (ن) قطف من دمي غفواته

غريبه شلون يكسرك الغياب ويغلبك نسيان
ودفتر جيتك ياخي طوى من عمري صفحاته

يجيني مادري ولكن اعرفه لاوصل جيعان
قسم وان جاني لانحني لجوعه تحت خطواته

وصل زوله هذاك اللي وصل ما يشبهه انساان
هذاك اللي وصل شايل عذاب العمر واهاااته

وجيت الحين ياخيي بعد ماشالتك امتاان
عد ماودهم غسل الجسد عن كل نزواته

ابد لاينغسل هذا الشهم مغسول بالفرسان
اخويه من غسل روح الجسد في طهر نياته

ايا دفان دخيل الله لاتدفن ايا دفان
دخيلك خلني ادفن في بالي جمر بسماته

واهف بسماته من هذا المكان لاخر الاحزان
وانا اطحن موته في جوع الكلاام واخبز سكاته

انا شلون لاصار الاخو جايع وانا شبعاان
اخوي اللي كسر قبله لجوعي وجاع لحظاته

اخوي اللي يمزمزني معاليقه اذا عطشاان
اخويه اللي ثنى عمره من اجل اطلع مسافاته

يدين القبر ضميني وسط حضن الاخو نعسان
ابرقد دام لي قلب(ن) دفن وياه نبضاته

اكيد انه وسط قبره سمع طق الخطاوي الآن
الا ياليت انا المدفون وانا اسمع طق خطوااته