09-10-2008, 02:50 AM
 |
رقم المشاركة : [14]
|
| مدير عام | 
مرحبا بأجمل رسالة , دامها جت من غلاي
دامها جابت دروب أهل الوفا لاقت دروبي
كيف طبيت برسالة من عتابك في سماي
توني أتصفح الصفحة واشوف الشعر دوبي
جيت أشكي طول مشواري و أحكي عن ظماي
ذوبتني من وهج اشعاعها قبل الغروبي
جيت أعزي حالتي واثر الغلا طالب عزاي
كيف أهديها الفرح والقلب من حسرة يذوبي
ما عرفت أقرب الخطوات أو أبعد خطاي
صرت متعثر على بابك ولا أعرف دروبي
والعتاب اللي حكيتي فيه زود من أساي
ما عرفت أحكي وأوجعني عتابك يا لعوبي
الرسالة شفتها تحكي من جفونك جفاي
من جفاك بدنيتك يشبه بشعرك من جفو بي
يا الغلا أشكي زماني كان تشكينه معاي
محتمل اثنين في الشكوى تبيح اللي اغدرو بي
كان تتحمل لهب شوقي وأحزاني وشقاي
كان تمشين بطريق الشوك لكن لا تأوبي
ما أبي دمعة على صفحة خدودك من بلاي
ما أبي لو مرة تزعل , أتركي الآلام صوبي
كان تمشين بغرامك و بهيامك في هواي
لازم أحكي لك عيوبي , الوفا أكبر عيوبي
عذبيني بالعتب ياروح روحي يارجاي
العتب منك على قلبي عسل صافي يذوبي
يم يمك ساقني شعرك و ودك مبتغاي
جيت أتوطى الخطر وأشكر خطاوي من سعو بي
كن شعرك وحي وعتابك نزل لي من سماي
اشعلي سراج الهوى ضوي دروب اللي درو بي
ماعليك من العتب والناس كانك في حماي
والله لحميك بجفون دموعها بس مااحتمو بي
انهبي روحي مدامك علتي فيه ودواي
لو تخافي ذنوب هاتيها أضيفيها لذنوبي
ما علي من العقوبة دام احساسك معاي
تبت عن كل البشر لكن عنك ما أتوبي
الضماير والحنايا , دامهاتسري بدماي
ما تحن بيوم أو تضمر سوى دوبك و دوبي
ما طلبت الحب جاني الحب واتوطا حشاي
ويش أسوي فيه دامك أنت مستوطن دروبي
جيت يا بنت الأصول وقادني يمك عماي
جيت ما قصدي غواية , طرقها مو من سلوبي
الصدف قادت خطاويك وعتابك في خطاي
ماو لفت أمشي دروب الغير واتنكر بثوبي
يا حجاب القلب كانك تحرزي همي وداي
يا هلا بك تشفعي في قلب مظناك اللغوبي
اسهري في القلب أنفاسك بقلبي من قواي
استبيحي كل خافي فيه , حومي به و جوبي
|
| |
|
|  |
العرض العادي
