صباحكم ورد اخواني الكرام
انا سعيد بانضمامي لهذا المنتدى الرائع
واصافحكم بهذه القصيده اخترتها لكم من ديواني
واتمنى ان تنال على اعجابكم
اللـيل يـسـري والليالي سبوقه
=============وش حيلة السهران لوكان مجروح
مجروح يشكي والبلا في خفوقه
============ليت الهوى ليت الهوى قال مسموح
مسموح كلمه والزعل وش يفوقه
============ماني مــعودهــا على الناي والـنـوح
والنوح مافاد الحمامه وشوقه
============لــوهي بـيـدي مـاتـوانـيت يــاروح
ياروح طيف الحب صعب لحوقه
============واللي وقع في طيف الأحلام مطروح
مطروح لين الشمس يبدى شروقه
===========هــذي نـتـايجها مهي ضحك ومزوح
ومزوح راع الحب ماهي صدوقه
===========من شان يطفي لاهب داخل الروح
والروح صاغت من رجاها طروقه
===========تبدع من المسحوب ماردها البوح
والبوح من نوضٍ تلامع بروقه
===========سحبٍ من المنشا معه برق ويلوح
ويلوح يم اللي خذا القلب بوقه
===========لاحدٍ يلومن تارك القلب مفتوح
مفتوح قلبي ماأحسب أنه سروقه
===========أثره من اللي تسرق القلب وتروح
وتروح وبقلبي عساها شفوقه
===========على العهد يابنت الاجواد ماروح
ماروح وأعطي من نصاني حقوقه
===========وماخون لو أني على الحق مذبوح
وسلامتكم
iS`t`Ri[`lig `iiWi
09-04-2010, 09:50 AM
مصافحه أولى 
العرض العادي
