شكلك غلط .... !!
و إنت طالع من الصبح للدوام ، و تطير بالسيارة و مايبقا فلان و علان ما طقيت له هرنات و تأشر له !!
عن أبي هريرة رضي الله عنه قال : قال رسول الله صلى الله عليه و سلـم : (( ليس الشديد بالصرعة ، إنما الشديد اللذي يملك نفسه عند الغضب )) . متفق عليه .
شكلك غلط ... !!
و إنت رايح محطة بانزين و ماسك التلفون تسولف و الهندي يترس لك بانزين !
( شهالعيز ! )
شكلك غلط ... !!
و إنت تداحر خوانك بالبيت و تحط حرة خويلد فيهم ، و تغث أمك !!
عن المغيرة بن شعبة ، قال : قال رسول الله صلى الله عليه و سلم : (( إن الله حرم عليكم عقوق الأمهات ، ووأد البنات ، و منعا و هات ، و كره لكم قيل و قال ، و كثرة السؤال و إضاعة المال )) .
شكلك غلط ... !!
و انت تتثاوب و فاج حلجك عالآخر جدام الناس !!
عن أبي هريرة رضي الله عنه قال : قال رسول الله صلى الله عليه و سلم : (( التثاؤب من الشيطان فإذا تثاءب أحدكم فليكظم ماستطاع )) . رواه مسلم .
شكلك غلط ... !!
و انت رايح للمسجد بدشداشة البيت ، و لابغيت تروح لربعك ----> آخر سكبة !
قال تعالى : ( يا بني آدم خذوا زينتكم عند كل مسجد و كلوا و اشربوا ولا تسرفوا إن الله لا يحب المسرفين )
شكلك غلط ... !!
تمر على واحد و تتصدد مالك خلق تسلم ، أو تنطره يسلم عليك !
عن أبي هريرة رضي الله عنه قال : قال رسول الله صلى الله عليه و سلم : (( ليسلم الصغير على الكبير ، و المار على القاعد ،و القليل على الكثير )) . متفق عليه
شكلك غلط ... !!
حاط الزقاير بحلجك و تخيس اللي حواليك !
شكلك غلط .. !!
قاعد تطالع الرايح و الراد !
عن أبي سعيد الخدري رضي الله عنه قال : قال رسول الله صلى الله عليه و سلم : (( إياكم و الجلوس على الطرقات )) ، قالوا : يا رسول الله امالنا بد من مجالسنا ، نتحدث فيها ، قال : (( فأما إذا أبيتم فاعطوا الطريق حقة ؟ )) قالوا : و ماحقه ؟ قال: (( غض البصر و كف الأذى ، و رد السلام و الأمر بالمعروف و النهي عن المنكر )) . متفق عليه .
شكلك غلط ... !!
و انت ماخذ الحاره اليسار و طاير و تترك من بعيد !
( اللي يشوف يقول وراه شي !! )
شكلك غلط ... !!
و انتي لابسه عباة مفتوحة و الكشخه تحت العباة تبرق من بعيد !
شكلج غلط ... !!
و انتي تسولفين بالتلفون و تتضحكين و الرايح و الراد يسمع سوالفج !
شكلج غلط ... !!
و انت لابسه حجاب بو ربطه و مريخته و الرقبه كلها طالعه !
شكلج غلط ... !!
و انتي مشغله المسجل بالسياره و حاطه اناشيد بإيقاع و مطوله عليه و السيايير حواليج يسمعون الطقطقه ( عايشه الدور ! )
شكلج غلط ... !!
قاعده بالمحاضره و تتعلجين
شكلج غلط ... !!
قاعده بدرس ديني و ماسكه التلفون و شغاله مسجات !
شكلج غلط ... !!
و انت حاطه صورة منشد ببوكج !
شكلج غلط ... !!
و انت داشه ببلعوم اللي بيع و تكاسرينه غصب ينزل بالسعر ( والله يكسرون خاطري اللي يبيعون ! )
شكلج غلط ... !!
و انت تسلمين و ماتمدين ايدج ، بالخد بس !
شكلج غلط ... !!
و انت قاعده بالبيت و تنادين الخدامه .. شاندرااااااااااااااا .. يبيلي ماي !
( شهالعيز .. و يقولون ليش احنا متان تلحلحوا ! )
شكلج غلط ... !!
قاعده بمرر الجامعه و تقشرين بنك و تتفلين القشور !
( يتحدون من اللي يوصل أبعد !!!!!!!!!!! )
فإن لم تستح فاصنع ما شأت !
شكلج غلط ... !!
تمشين و عباتج تسحب وراج !
عن ابن عمر رضي الله عنه قال : قال رسول الله صلى الله عليه و سلم : (( لا ينظر الله إلى من جر ثوبه خيلاء )) . متفق عليه .
و أخيرا .. شكلك غلط .. !!
و انت داش الموضوع و ماتعلق :>
و الأشكال الغلط وايد نشوفها بكل مكان و اذا بنعدها مانحصيها و لكن !
ليش ماعندنا الجرأه اننا ننصحهم كلهم ، اللهم اهد الجميع يارب .
م.ن
حلا
10-11-2010, 06:29 AM
شكلك غلط..!!! 
العرض العادي
