أصعب من إنك بعد سنين .. تلقاها .... ( مفارقها )
وأسهل من إنك تشرح ... حالتك .. ( تكتمها )
لأنك لو حكيت أيام .. على بالك
تبي تخفف اللوعه ... وأنت ( تشعلها )
وأقرب من الأنفاس ...عندي ... ( ذكراها )
وأبعد من نجوم المسا ... أني ... ( أبنساها )
مدري وش اللي .. كذا .. يخطر على بالي
ثم أفتح الصفحات .. وأرسم .. ( حلاياها )
ما نيب جاهل كيف ... هي .... ( صورتها )
في وسط قلبي زمان ... صورة .. ( محيـَاها )
وبكل نبضه أشوف .. بعروقي ... وبعيني
صورة وليف ٍ ندر .. تلقى .. ( بمزاياها )
أخاف لو أحكي .. وتصيبها عيني
وأخاف من ناس ٍ .... ترمي بلاياها
وأخاف .. تبكيني .. من بعد ما أوصف
لو قلت لك طبي .. رشفت .. ( ثناياها )
مبطي وأنا حالي .... ما بين أمريني
قمة عذاب الحب .... وأسعد .. ( بلقياها )
لا غادرت عني ... كني ... ( بليــَاها )
شخصٍ فقد صوته .. والعين .. جف ماها
وإن كانها ( حدَي ) بقولة هل الشام
فكني من الأهات .... ما يوم عشناها
كني ملك بابل .. وزاد في ملكي
أني ملكت الكون .. من اقصاها .. الا اقصاها
اللي لها قلبي ... مفتون .. ومغامر
يطمر على خطها .. ويحب مرماها
مدمن على ذكرها .. ما يوم ما يبدي
يصدح بصوت القصيد .. ويجر مغناها
لو هالقلم ما جف .. بأخر دفتري
كان استمر حرفي .. في سرد معناها
كتبت أولها ... وأكتب بتاليها
أنتي هوى قلبي ... واللي نتمناها
12-17-2010, 07:55 PM
هوىـآ قلبي !! 
العرض العادي
