بدخل في الموضوع على طول .. و يـآرب يدخل عقولكم وتستوعبونه ياررررررررررب !
طبعاً بما إننا بإجازة طويلة , شي طبيعي النوم عندنا احنا الشبابات مشقلب فوق تحت
- اللي تواصل يومين كامله و تنام 3 ايام
- واللي تنام الصبح وتصحى بالليل
واللي .... واللي ....
أنا ما أقول شي عن شقلبة النوم .. بالعكـــــــس ! بيني وبينكم هي اللي تحلي الإجازة <
و أبداً مـــــــــــا راح أقول شي عن الاشياء اللي نسويها لما نسهر ( الأكل , النت بغير معاصي, السوالف والهذرة بغير غيبه او نميمه اومعصيه. )
بسسسس أنا بتكلم عن
( تأخير الصلوات لما ننام ! )
بنات
خلونا نكون صريحين مع بعض ..
إحنا تهاوننـا و أرخينا حبال كثييييييييييييييييييييييي ـــــ ـرة من الدين .. ( في اللبس و في الأغاني ووو في المعاصي بشكل عام ! )
و أهم شي بالإسلام !
الصلاة يانـاس عمود الدين !
و أول شي راح تنسألين عنــّه لما يحطونك في قبرك !
و تذكروا حديث الرسول صلى الله عليه وسلم : " العهد الذي بيننا وبينهم ( الصلاة ) فمن تركها فقد كفـر "
فقد كفر !!!!!!!!!!!
لا تقولون احنا ماتركناها !
لأن مره الشيخ محمد العريفي قال مثال مررررررررررره صحيح و أقنعني !
قال :
أنا لو بشهر 6 على سبيل المثال , قمت و نويت الحجّ و أخذت أغراضي وسافرت لمكة .. وسويت كل الأشياء اللي يسويها الحجاج ( نويت , أحرمت , وسويت كل المناسك .. مبيت في منى و رمي الجمرات ووو الوقوف بعرفة وو ذبحت و أحللت وو ... )
بتنقبل حجتي وهي بشهر 6 ؟
مستحيل !!!
أنا صح سويت كل اللي يسوونه الحجاج , بس مو في وقت الحج !!
و الصلاة كذا بالضبط ..
لما تصحين من النوم الساعة 6 المغرب .. وتصلين صلاة الظهر اللي هي وقتها 12 الظهر
راح تـُقبـَل منك وهي مو في وقتها ؟!
( ان الصَلاةَ كَانــَتْ عـَلَىْ المـُؤْمِنِينَ كــِتــَابــَاً مَوْقــُوتـَا )
موقوتا = لها وقتها !
--
بنات احنا لازم نستوعب ايش اللي جالس يصير !
انا تفاجئت كثيـــررر فـي بنات !!!!
اقولها : فلانة بتصحين تصلين ؟
وتجاوب بكل برود :
" لا ما أصحى , أصليهـا لما أصحى "
وعذرها ان نومها ثقيل
أو مافي أحد يصحيها
أو تتحجج بأي شي ..
وولما أجادلها تحاول تقنعني بحديث الرسول صلى الله عليه وسلم : ( النائم حتى يستيقظ )
المعنى من ( حتى يستيقظ ) :
مثلا الشخص مغمى عليه أو تحت تأثير التخدير بالعمليات مثلاً ...
و مو معناها أبد إنه لما تشبعين نوم و تصحين , تصلينها !!!
أنا بسسسس بسألك سؤال و جاوبي بينك وبين نفسك بكـــــــــــــــــــــــ ل صــراحة ..
- لو عندك شغل أو موعد مهمّ , أو حتى طلعة مع صديقاتك .. بتنامين وانتي مرتاحة ؟ ومبردة ؟ وعادي تصحين بأي وقت ؟
أحلف لك إنك ماراح تسوينها ..
بالعكـــس ..
بتركبين الآلارم ( المنبه ) و بتزعجين أهلك عشان يصحونك حتى لو يصحونك بمويا باردة
و بتوصين صديقاتك يدقون عليك
وو.. وو ..
أبي أعرف بسس..
وش اللي يمنعك من الحماس للصلاة زي حماسك للـ أشياء الثانية ؟
خلونا نكون صريحين مع بعض ..
تقولون :
( احنا ركبنا جوالاتنا ع وقت الصلاة و نمنـا .. ولمـا دقت الجوالات .. بدون مانحس سكرناها ورجعنا نكمل نومنـا !)
احنا نركب جوالاتنا صح .. بسس ما نحط في بالنـا اننـا لازم نصحــى !!!
خلونا شوي نرجع لـ مثال طلعة الصديقات
وش السبب اللي خلاك تصحين بسرعة لصديقاتك وتتحمسين لهم ؟ < حتى لو انك تعبااانة وو مانمتي الا قبل موعد روحتك بساعة بـسس بتصحين !!
أكــــــــييييييد لأنك تبينهم ومشتاقة لهم وتدرين ان هالطلعة ماراح تتكرر , أو لأن ممكن يزعلون لما ما تجين لجمعتهم ..
السؤال المهم هِنــا :
معقولة نتحمس لصديقاتنا .. وننسى رب العالمين ؟!
هنا انا اقولك لازم ننوي اننـا نصحى ..
و بساعدك شوي ..
سوي كم شغلة بسيطة قبل تنامين و صدقيني بتقدرين تصحين للصلاة بإذن الله !
أولاً : حطي في بالك إنك ممكن تنامين ومعاد تصحين من هالنومة !!!! ومعاد تصحين من هالنومة !!!! ومعاد تصحين من هالنومة !!!!
وكيف بيكون شكلك قدام رب العالمين وانتي نايمة عن الصلاة ؟
ثانياً :
ذكّري نفسك كثييييررر بأهمية الصلاة ! وتذكري عقوبة تأخيرهـا .. ( من المناظر التى رآها رسول الله صلى الله عليه وسلم لمـّا أسري به ليلاً : رأى قوماً يرضخون رؤوسهم بالحجارة كلما رضخت عادت كما كانت لا يفتر عنهم تضرب رؤوسهم بالحجارة فتتحطم ثم ترد مرة اخرى ثم ترضخ . فقال : من هؤلاء يا جبريل ؟ فقال : هؤلاء الذين يتكاسلون عن الصلاة )
ثالثـاً : اقنعي نفسك إنك تقدرين تصحين للصلاة .. لأنك لو ماتقدرين , ماكان صحيتي للدوام , و لا صحيتي لو بيجي بيتك أحد ولا ... ولا ... !
رابعاً : وصّــي أهلك أو أي أحد .. و أصرّي إنهم يصحونك .. عشان حتى لو صار يوم و نسيتي توصينهم .. يصيرون هم يعرفون انك مهتمة لها
خامساً : حاولي تبعدين الجوال عنـّك مو لازم يكون قريب منك عشان تضطرين تقومين من السرير و تروحين لمكان الجوال وتسكرينه .. وقتها بتكونين وعيتي وو بتقومين تصلين
سادساً : اذكري الله قبل تنامين واحرصي ع اذكار النوم .. و ادعي الله انه يعينك ع القومة ..
ممم أنا خلص كلامي
كانت كم كلمة بخاطري وحبيت أطلعها
الله يهدينـا جميعاً ويصلحنا ويفتح على قلوبنـا ويوفقنـا ويرزقنـا ياااااااااارب
اعذروني ع بساطة الاسلوب !
* الموضوع للنشر , ولو إن الأسلوب لكم عليه شوي بسس الله العالِم بالنية
إن اصبت فمن الله وإن أخطأت فمني ومن الشيطان
الموضووع منقول واعجبتني كتابة البنت الله يجزاها خير والكلام يطبق علينا يالشباب
06-24-2011, 02:05 PM
صلاة الفجر نقدر نصليها الساعة 6 المغرب 
العرض العادي
