12-29-2011, 01:57 AM
 |
| |
 طريقة عمل صينية الرقاق بالبشاميل
المقـــــادير:
• نصف كيلو رقاق.
• بصلة مقطعة قطع صغيرة.
• نص كيلو لحمة مفرومة.
• نص كوب كبير زبدة.
• نص كوب كبير دقيق.
• 4 كوبيات لبن.
• ملح و فلفل.
• 2بيضة.
• كوب كبير شوربة لحمة.
الطـــــريقـــــة:
1- هنعصج اللحمة المفرومة عن طريق إننا نقطع بصلة كبيرة إلى قطع صغيرة بعد كده نضيف ليها الملح والفلفل الأسود واللحمة .
2- ونحطهم على النار ونضيف ليهم معلقة زبدة ونسيبهم على النار مع التقليب المتسمر وبعد نص ساعة نضيف ليها كوباية مية ونسيبها على النار لغاية ما اللحمة تشرب المية وتستوي.
3- بعد كده هنجهز البشاميل عن طريق إننا نسخن الزبدة ونضيف ليها الدقيق مع التقليب لغاية ما لون الدقيق يبقى ذهبي بعد كده نضيف ليه اللبن تدريجيا مع التقيب المستمر لغاية ما يبقى قوامه سميك بعد كده نضيف ليه الملح والفلفل الأسود بعد كده نشيله من على النار وبعد ما يبرد نجيب بيضة ونحطها في طبق ونضربها بالمضرب مع الملح والفلفل وبعد كده نضيفها إلى البشاميل ونقلبهم مع بعض.
4- هنجيب الرقاق ونبلّه بالشوربة السخنة "ممكن إننا نستبدل الشوربة "بالمية" علشان يكون خفيف.
5- هنجيب صينية فرن وندهنها بالزبدة ونرص فيها نص كمية الرقاق الموجود عندنا ونضيف ليها اللحمة .
6- وبعد كده نص كمية البشاميل وبعد كده نرص باقي كمية الرقاق الموجودة.
7- بعد كده نغطي وش الصينية بباقي كمية البشاميل الموجود عندنا.
- هندخل الصينية في فرن متوسط الحرارة لمدة نص ساعة أو لغاية ما وشها يحمر بعد كده نخرجها من الفرن ونقطعها.
بالهنــــــــــــــــــــ ـــــــا و الشفـــــــــــــــــــــ ــــا
`X`i.io` `diSiW `ti.iPi.` `RiW`io`Rio `~`RiW`~`v`RiSi.iW `~`RiW`~`v`RiSi.iW `ti.iPi.` `X`i.io`
 |
العرض العادي
